സംവിധായകർ എന്ന സ്വപ്നജീവികൾ

കേരളക്കരയെ ഏറെ വേദനിപ്പിച്ച സിനിമകളുടെ ഹരികൃഷ്ണൻ,

എന്നെന്നും കണ്ണേട്ടന്റെ എന്ന സിനിമ കണ്ടിറങ്ങിയതിന് ശേഷം അനുഭവപ്പെട്ട മാനസിക പിരിമുറുക്കം ചെന്നവസാനിച്ചത് പാച്ചിക്കയുമായി അടുത്തിടപഴകുവാൻ അവസരം കിട്ടിയപ്പോഴാണ് . അദ്ദേഹം വീട്ടിലേക്ക് ക്ഷണിച്ചതും അവിടത്തെ ഉച്ചയൂണ് കഴിച്ചതും മറക്കില്ലൊരിക്കലൂം !!! 

മഞ്ഞിൽ വിരിഞ്ഞ പൂക്കളിലൂടെ അദ്ദേഹം ഏവരുടേയും മനം കവർന്നപ്പോൾ മണിച്ചിത്രത്താഴ് ഒന്നാം നിരയിലെത്തിച്ചു !!!

കേരളക്കരയെ ഏറെ കരയിപ്പിച്ച സിനിമകളുടെ കിരീടം വെക്കാത്ത രാജാവ് . പ്രമദവനവും ഗോപികാവസന്തവുമൊക്കെ ഇന്നും ജീവിക്കുന്നു !!!

കേരളക്കരയെ ഏറെ ചിരിപ്പിച്ച ചിത്രങ്ങളുടെ കുഞ്ഞാലി മരക്കാർ . താളവട്ടവും കിലുക്കവും മിഥുനവും ഇന്നും മലയാളികളുടെ മനസ്സിൽ സൂക്‌ഷിച്ചു വെച്ചിരിക്കുന്നു !!!

കേരളക്കരയെ ഏറെ ചിന്തിപ്പിച്ച വിധേയൻ !!! 

കേരളക്കരയെ ഏറെ ക്ഷോഭിപ്പിച്ച ഉടയോൻ !!!

കേരളക്കരയെ ഏറെ ത്രസിപ്പിച്ച ചാണക്യൻ 

കേരളക്കരയെ ഏറെ മരവിപ്പിച്ച അഹം 

കേരളക്കരയെ ഏറെ രസിപ്പിച്ച മേലേപ്പറമ്പുകാരൻ 

ശരിക്കും പറഞ്ഞാൽ ഏതൊരു പെൺകുട്ടിയുടെയും മനസ്സിന്റെ ഉള്ളിന്റെ ഉള്ളിലെ ആഗ്രഹം , ഒരു സ്വതന്ത്ര സംവിധായക എന്നതിലുപരി 

ആ ഒരു സ്വാതന്ത്ര്യം മറ്റൊരു ജോലിയിലും കിട്ടാത്ത മനസ്സമാധാനം , പേര് പെരുമ , ജനം തിരിച്ചറിയൽ . ഫുജൈറ എന്നത് ദുബായ് പോലെ ആകില്ലെങ്കിലും അവിടെ പഠിച്ച ഒരു പെൺകുട്ടി കോഴിക്കോട്ടും പുണെയിലും പിന്നീട് ലണ്ടനിലുമൊക്കെ പോയി പഠിച്ച് കൊച്ചിയിലെ ഈ തെമ്മാടിക്കൂട്ടങ്ങൾക്കൊപ്പം ഒരു സിനിമ പിടിക്കുക എന്നത് വളരെ എളുപ്പം എന്ന് ചിന്തിക്കുന്നില്ല . ഏറെ ദുഷ്കരമായ സാഹചര്യങ്ങളിലൂടെ വാർത്തെടുത്ത സിനിമകളിൽ അഞ്ജലിമേനോൻ കേരളത്തിന്റെ പൊന്നോമന പുത്രി ആയപ്പോൾ അതിൽ ഏറെ സന്തോഷിക്കേണ്ടത് പെണ്ണെഴുത്തുകാരും സ്ത്രീ പക്ഷക്കാരുമാണ് . കാരണം അഞ്ജലി ഒരാണിനെയും ഇതുവരെ കുറ്റം പറഞ്ഞിട്ടില്ല !!! ദുരനുഭവങ്ങൾ ഇല്ലാതിരിക്കില്ല , എങ്കിലും അതൊക്കെ ഇതിന്റെ ഭാഗമാണ് എന്ന് കണക്കാക്കി ജൈത്രയാത്ര നടത്തുമ്പോൾ ഇനിയും മഞ്ചാടി കുരുകൾ പ്രതീക്ഷിക്കുന്നു !!!

അമലിനെ കുറിച്ച് എഴുതുമ്പോൾ ഒരു നല്ല സിനിമാട്ടോഗ്രാഫർ എന്നതിൽ കവിഞ്ഞുള്ള സംവിധാന ശൈലിയൊക്കെ കൊള്ളാം . ആദ്യസിനിമ ബിഗ്ബി പണം വാരിയില്ലെങ്കിലും ചെറുപ്പക്കാർക്ക് ഇഷ്ടായി . രണ്ടാമത്തേത് രണ്ടാം സ്ഥാനവും മൂന്നാമത്തേത് മൂന്നാം സ്ഥാനവും നാലാമത്തേത് നാലാം സ്ഥാനത്തുമൊക്കെയായി നീങ്ങുമ്പോഴും  ആ പേര് കേൾക്കുമ്പോൾ എന്തൊക്കെയോ പ്രതീക്ഷകൾ ഇന്നത്തെ യുവാക്കൾക്കിടയിൽ ഇല്ലാതില്ല . ഇവരൊക്കെ അഹങ്കാരികളായി മാറുന്നുവെന്ന ഒരു അഭിപ്രായവും സിനിമാമേഖലയിൽ പാണന്മാർ പാടിനടക്കുന്നുണ്ടെങ്കിലും 

അതൊന്നും വകവെക്കാതെയാണ് ഇക്കൂട്ടർ സിനിമകൾ പ്രഖ്യാപിക്കുന്നത് . നന്മകൾ നേരുന്നു 

മഹാരാജാസിൽ നിന്നും വീണുകിട്ടിയ ധൈര്യം , ചങ്കുറപ്പ് , ആത്മവിശ്വാസം . മലയാളത്തിൽ ഒരു ട്രെൻഡ് ഉണ്ടാക്കുന്നതിൽ മുന്നിൽ നിൽക്കുമ്പോഴും പലതും മറന്നുപോകുന്നു . രാഷ്ട്രീയവും മതവുമൊക്കെ നല്ലതാണെങ്കിലും അത് കലയുമായി കൂട്ടിക്കുഴക്കുമ്പോഴാണ് പലപ്പോഴും വിമർശനങ്ങളും എതിർപ്പുകളും നേരിടേണ്ടി വരുന്നത് . കുറെയധികം ചെറുപ്പക്കാർക്ക് സിനിമയിൽ സാഹചര്യങ്ങൾ ഉണ്ടാക്കിക്കൊടുത്തതിൽ അഭിമാനിക്കാമെങ്കിലും അതിലേറെ എതിർപ്പുകൾ എങ്ങനെ തന്നിൽ വന്നു ചേരുന്നുവെന്നത് സത്യം ചിന്തിക്കേണ്ട വസ്തുതകളാണ് . എന്നും കുന്നും ഒരുപോലെയായിരിക്കില്ല എന്ന പഴമൊഴിയിൽ വിശ്വാസമർപ്പിച്ചുകൊണ്ടാവണം ഇനിയുള്ള സിനിമകൾ . അത് വാരിയംകുന്നനെ കുറിച്ചാണെങ്കിലും ഗോഡ്‌സെയെ കുറിച്ചാണെങ്കിലും !!!

അന്ന് 2005 ആഗസ്തിൽ പൊള്ളാച്ചിയിൽ മമ്മുട്ടിയുമൊന്നിച്ച് ആനമലക്കടുത്ത സേതുമടയിലെ ഷൂട്ടിങ് ലൊക്കേഷനിൽ എത്തിയപ്പോൾ ചോളപ്പാടത്തു വില്ലനെ തീവെക്കുന്ന സീൻ ആയിരുന്നു ഷൂട്ട് ചെയ്തിരുന്നത് . മമ്മുക്കയുടെ സീൻ വരുന്നതിന്റെ മുമ്പേ അവർ ഷൂട്ടിങ് ആരംഭിച്ചിരുന്നു . അപ്പോഴാണ് ആ സീനിലെ അൻവറിന്റെ ചുറുചുറുക്ക് കണ്ടപ്പോൾ മമ്മുക്കയോട് പറഞ്ഞു ഈ പടം മലയാളത്തിന്റെ ഒന്നാമൻ ആയിരിക്കുമെന്ന് . ഷൂട്ടിംഗ് കഴിഞ്ഞുള്ള മമ്മുട്ടിയെ കണ്ടാൽ അറിയാം ആ പടത്തിന്റെ ഗതി എന്തായിരിക്കുമെന്നുള്ളത് . അതുപോലെ തന്നെ മലയാളത്തിലെ എക്കാലത്തെയും നല്ല ചിത്രം സമ്മാനിക്കുന്നതിൽ അൻവർ റഷീദ് എന്ന ചെറുപ്പക്കാരന് സാധിച്ചു . രഞ്ജിത്തിന്റെ കൂടെ നടന്നതുകൊണ്ട് മോശമല്ലാത്ത സിനിമകൾ ചെയ്യുവാനുള്ള ധൈര്യവും സമ്പാദിച്ചു . ആശംസകൾ 

ഒരു നിസ്സാര പ്രതികാരം മലയാളിയുടെ മനസ്സിലും പ്രതികാരമാക്കി വളർത്തിയ ദിലീഷ് പോത്തൻ വളരെ സൂക്ഷ്മമായി സിനിമയടുക്കുന്നതിൽ വിജയക്കൊടി പാറിച്ചിരിക്കുന്നു . കൊച്ചിയിലെ ചങ്ങായിമാരോടോത്ത് ചേർന്നുകൊണ്ട് ഉണ്ടാക്കിയെടുക്കുന്ന ചിത്രങ്ങൾക്കൊക്കെ അതിന്റെതായ ഐഡന്റിറ്റി നിലനിർത്തുവാനാകുന്നതിൽ അഭിമാനിക്കാം 

സമീർ ഛായാഗ്രഹകൻ ആണെങ്കിലും സിനിമകളും നീലാകാശം പോലെ പച്ചക്കടൽ പോലെ നിറമയമായിരുന്നു . അധികം ആരോടും സംസാരിക്കാത്ത പ്രകൃതമാണെങ്കിലും ഛായാഗ്രഹണ കലയിൽ തമിഴിലേക്കും കാലെടുത്തുവച്ചിരിക്കുന്നതിൽ അഭിമാനിക്കാം . കൊച്ചിയിലെ കുറുമ്പന്മാരിൽ പ്രകൃതിസ്നേഹിയായ സമീറിന് ഇനിയും നീലാകാശങ്ങളിലേക്ക് ഉയരുവാൻ സാധിക്കട്ടെ 

ഈയടുത്താണ് പറവയെ കണ്ടത് . ഒരൊറ്റ സിനിമകൊണ്ട് യുവാക്കളുടെ കണ്ണിലുണ്ണിയായ സൗബിൻ അഭിനയത്തിന്റെ കാര്യത്തിലും മോശമല്ലെന്ന് സുഡാനിയിലൂടെ സാധിച്ചു . ഒരു സിനിമാക്കാരന്റെ മകൻ സിനിമയിൽ തിളങ്ങുന്നതിൽ അത്ഭുതമൊന്നുമില്ലെങ്കിലും പിടിച്ചുനിൽക്കാൻ ഒരു നല്ല കലാകാരന് മാത്രമേ കഴിയൂ 

മത്ത കുത്തിയാൽ കുമ്പളം മുളക്കില്ലെന്ന് അച്ഛൻ ഏതോ സിനിമയിൽ പറയുന്നതായി കേട്ടിട്ടുണ്ട് . ആദ്യ ചിത്രം മുതൽ ഇതുവരെ ഒരടി പിന്നോട്ട് പോകാതെ വളരെ തന്മയത്വത്തോടെ കാര്യങ്ങൾ നേരിടുന്നതിൽ മിടുക്കൻ . വിനീതനായ വിനീതിന്റെ സിനിമകളും പാട്ടുകളും അഭിനയവും എല്ലാം കൊള്ളാം . ഭാവുകങ്ങൾ 

പ്രേമം സിനിമ വലിയൊരു സംഭവമായി തോന്നാതിരുന്നത് ഓട്ടോഗ്രാഫ് കണ്ടതുകൊണ്ടായിരിക്കാം . പക്ഷെ പ്രേമത്തിലെ ആ നടീ നടന്മാരെ തിരഞ്ഞെടുത്തതിലെ സാമർഥ്യമാണ് അൽഫോൻസ് പുത്രനെ നമ്മുടെ ഇഷ്ടക്കാരനാക്കുന്നത് . ആലുവയിലെ പുഴയുടെ തീരത്തുനിന്നുമുള്ള അൽഫോൻസ് പ്രേമത്തിനുശേഷം എന്തുകൊണ്ട് അടുത്ത സിനിമയെടുക്കുന്നില്ല എന്നത് ചോദ്യചിഹ്നമാണ് 

സ്വഭാവഗുണം കൊണ്ടായിരിക്കണം മാർട്ടിന്റെ ചിത്രങ്ങളിലും നമുക്കത് നിഴലിക്കാറുണ്ട് . ഒരു നല്ല കുടുംബത്തിൽ പിറന്ന ഒരു നല്ല പയ്യൻ ഫാഷൻ ഫോട്ടോഗ്രഫിയിലൂടെ കൊച്ചിക്കാരുടെ സ്വന്തമായി മാറുകയും മമ്മുട്ടിയെന്ന അതികായന്റെ ബെസ്റ്റ് ആക്ടർ എന്ന സിനിമ സംവിധാനവും ചെയ്തപ്പോൾ ജനം രണ്ടുകയ്യും കൊട്ടി സ്വീകരിച്ചു . പക്ഷെ ചാർളിയാകാൻ കൊതിച്ചുനടക്കുന്ന അനേകായിരം ചെറുപ്പക്കാരുടെ നേതാവാണ് മാർട്ടിനിപ്പോൾ . യാത്ര സിനിമ നിർമ്മിച്ച പ്രക്കാട്ട് കുടുംബത്തിലെ ആണോ എന്നറിയില്ല , എന്നാലും മാർട്ടിൻ പ്രക്കാട്ട് സിന്ദാബാദ് !!!

ഹനീഫിന്റെ വാപ്പയുമായി വെള്ളാങ്കല്ലൂരിൽ ചായയും പരിപ്പുവടയും കഴിക്കുവാൻ ഇടക്കിടക്ക് പോകുന്ന ശീലമുള്ളതുകൊണ്ട് പയ്യനെ കുറ്റം പറയുവാൻ പറ്റില്ലല്ലോ !!! . അമൽനീരദിന്റെ എന്തോ തലക്ക് കയറിയതൊഴിച്ചാൽ പയ്യൻ സൂപ്പർ . ഈ കൊച്ചുഗ്രാമത്തിൽ നിന്നും ഇത്രയും വേഗം മലയാളത്തിലെ അറിയപ്പെടുന്ന സംവിധായനിരയിലേക്ക് ഉയർന്നതിൽ അഭിമാനിക്കുന്നു . നാട്ടിലെ വെറുതെ നടക്കുന്ന ചെറുപ്പക്കർക്കൊക്കെ ഒരു മാതൃകയായി ഹനീഫ്മാറിയപ്പോൾ ഇനിയും നല്ല ചിത്രങ്ങൾ ''ടൈപ്പ് '' എന്ന പേര് വരുത്താതെ ചെയ്യുമെന്ന് പ്രതീക്ഷിക്കുന്നു !!

എട്ടാം ക്ലാസ്സിലും ഒമ്പതാം ക്‌ളാസ്സിലും പത്താം ക്‌ളാസ്സിലും നടവരമ്പ് സ്‌കൂളിലെ പച്ചമരത്തണലിൽ ഇരുന്നതൊക്കെ ഓർക്കുമ്പോൾ ഇത്ര ഉയരങ്ങളിൽ എത്തുമെന്ന് ആരും കരുതിയില്ല . അന്നേ പള്ളിപ്പാട്ടുകളിലും പള്ളി നാടകങ്ങളിലും ഒക്കെ മുൻപന്തിയിൽ ഉണ്ടായിരുന്നുവെങ്കിലും ശാന്ത സ്വഭാവക്കാരൻ ആയിരുന്നതുകൊണ്ട് ആർക്കും ഒന്നും  പിടി കിട്ടിയിരുന്നില്ല . വെള്ളാങ്കല്ലൂരിലെ വക്കീൽ ജോൺസനുമായി ഇടക്കിടക്ക് വീടിനടുത്തുള്ള കൃഷ്ണകുമാറിന്റെ വീട്ടിലായിരുന്നു സിനിമകാണാൻ തുടങ്ങിയത് . ഇന്നിപ്പോൾ പയ്യൻസ് സിനിമാക്കാരനായി !!!