വില്ലന്മാരില്ലാതെ എന്തോന്ന് സിനിമ , എന്തോന്ന് സിനിമ പാട്ട് ,

ചുണ്ടിൽ പൈപ്പ് വലിച്ചുകൊണ്ട് കോണിപ്പടിയിൽ നിന്നും ചൈന സിൽക്കിന്റെ   നൈറ്റ് സ്യൂട്ട് ധരിച്ച് ഇറങ്ങിവരുന്ന സുന്ദരനായ വില്ലൻ , കൊച്ചിക്കാരൻ ജോസ് പ്രകാശ് . ഇന്നും മനസ്സിൽ ജീവിക്കുന്നു 

സംഘർഷം എന്ന സിനിമ മൂന്നോ നാലോ തവണ കണ്ടു , ബാലൻ കെ നായരുടെ കുസൃതികൾ കാണുവാൻ , ലോകത്തെ ഏറ്റവും വലിയ വിശ്വാസവഞ്ചന ആ സിനിമയിലായിരുന്നു എന്ന് വേണം കരുതുവാൻ 

പാവം ക്രൂരൻ എന്ന മഹത്തായ സിനിമയിലൂടെ മലയാളിക്ക് സുപരിചിതനായ തൃശൂർക്കാരൻ ടിജി രവി . ഒടുവിലെ യാത്രക്കായിന്നും പ്രിയജനമേ ഞാൻ പോകുന്നു എന്ന് പറഞ്ഞുകൊണ്ട് നമ്മിൽ നിന്നും വിടവാങ്ങി 

ന്യുഡൽഹി സിനിമയിലെ കേന്ദ്രമന്ത്രി , ജികെയുടെ മുഖ്യ എതിരാളിയെ ആർക്കെങ്കിലും മറക്കുവാനാകുമോ , പോലീസ് ഓഫീസറായിരുന്ന അദ്ദേഹത്തിന്റെ സാന്നിധ്യം സിനിമകളിൽ നിറഞ്ഞുനിന്നിരുന്നു 

പത്രത്തിലെ വിശ്വനാഥന് മലയാളിയുടെ വെറുപ്പുകൾ ഏറെ നേടുവാനായി എന്നത് എൻഎഫ് വർഗീസിന്റെ ഒരു പൊൻതൂവലായി കണക്കാക്കാം , മരിക്കുന്നതിന് മുൻപ് വളരെ നല്ല ബന്ധം പുലർത്തിയിരുന്ന അദ്ദേഹത്തിന് നിത്യശാന്തി നേരുന്നു 

ആവനാഴി സിനിമയിലെ മന്ത്രി , ഒരിക്കലും മനസ്സിൽ നിന്നും മാറാത്ത ഒത്തിരി കഥാപാത്രങ്ങളെ മലയാളത്തിന് സമ്മാനിച്ച പ്രതാപചന്ദ്രൻ 

പിന്നീട് കുറെ അനാവശ്യ സിനിമകളിൽ തല കാണിച്ചുകൊണ്ട് പേരുമോശം ഉണ്ടാക്കിയിരുന്നു .